Auckland, 16 June : Women’s Hockey te, India para New Zealand laga Auckland te choli thaka FIH Hockey Nations Cup laga semi-finals te jaise. India para Pool A laga second match te Japan ke 2-1 pora harai dise.
Captain aru Player of the Match Salima Tete aru Lalremsiami para India karne goals mari dise, ketiya Hiramitsu Ai para Japan karne khali ekta goal mari dise.
Midfielder Jyoti karne bhi etu match bisi special thakise, karon tai nijor 100th senior international appearance celebrate korise.
Etu win logot India, USA aru Japan ke harai kena 6 points loi Pool A te top position te uthise aru etiya tak unbeaten ase.
India para etu tournament laga last Pool A match te Thursday din Uruguay logot khelibo, ketiya Japan aru USA para Pool A pora second semi-final spot karne mukabila koribo.
Eki logot, Men’s Hockey te India para Netherlands laga Rotterdam te FIH Hockey Pro League te Germany logot khelibo.
Etu tour laga first match te India para Sunday din Netherlands logot 2-3 pora ekdom close defeat paise.
