Hong Kong: September 1, 2020. Tuesday din para Hong Kong te coronavirus testing scheme soruh hoishe, aro million manuh khan ke etu offor loboli koishe. Hoilebi, etu programme toh komti manuh para jawab thishe, keli koile, mainland te Chinese testing company aro doctors khan para kam jai thakishe. Saturday din registration soruh hoikena, 510,000 neshina manuh khan para free test loboli signed korishe. City laga 7.5 million population te 7 per cent he thakishe. Hoilebi health experts para government logot koishe ke, 5 million neshina manuh khan ke test koriboli lage koishe, keli koile, lokaikena thaka bemari toh thuribo nemite ase. Virus toh January moina te ola beche Hong Kong te 4,800 bemari cases paikena ase, hoilebi, 75 percent neshina bemari cases toh July moina te paikena ase. Test toh ek hafta nohoile tui hafta neshina lobo, public laga demand oper te ase koishe. “etu kam toh ami nejor aro manuh khan nemite ase” koikena Winnie Chan, tai toh bacha ama 30s umer ase, koikena tai Tuesday din test center jaa samay AFP logot janai thishe. “ami besas ase aro ami government laga policy logot support ase” Konuba manuh khan para toh, sign koriboli eku plan nai koishe. Authorities khan para koishe ke, testing koriboli toh emergency health kam ase etu nemite hotai test kori thakibole koishe.
Add Comment