September 2, 2020. Trump administration para koishe ke, Duniyaa para tawai bona samay aro olaikena coronavirus vaccine bhag kora te shamil nakoribo, keli koile World Health Organisation thaka para ase koikena Washington post para khobor thishe. Washington para plan kurikena WHO logot kam nakoribo, President Donald Trump para botnam thikena “China para bemari ke saa oper te ase” koishe. Duniyaa laga 170 desh neshina khan para COVID-19 Vaccines Global Access (Covax) Facility te part loboli ase aro tai khan bhapana toh jolti para vaccine bonaikena desh sob logot bhag koriboli ase koishe. Etu plan toh WHO, Coalition for Epidemic Preparedness Innovations aro Gavi, vaccine alliance khan para led kuribo, aro tai khan Trump administration laga konuba members khan ke be shamil kuribo thiboli mon ase koishe. United States ke desh neshina Japan, Germany aro European Commission khan para be support ase.
“United States toh tai laga international partners logot melaikena virus logot larai kuribo, hoilebi organization thik natha neshina World Health Organisation aro China khan logot namilebo”, koikena White House laga spokesman, Judd Deere para Washington post te koishe. Georgetown University te global health law laga professor, Lawrence Gostin para koishe ke, America toh tangor game kelikena tai elka para alag plan kori ase. Dosura kotha ekta te, Dartmouth te Geisel School of Medicine laga assistant professor Kendall Hoyt para koishe ke, etu kam toh insurance policy boboli nemite ase aro U.S toh tawai companies logot melikena Covax te shamil kuribo mon aro tai khan first safe vaccine toh boboli mon nemite ase koishe.
Add Comment