Swiss Pharma para 15 Minute te Coronavirus Test olabo

Geneva, Switzerland: September 2, 2020. Tuesday din te Swiss pharmaceuticals giant Roche para junai thishe ke, September kotom howah samay novel coronavirus bemari result 15 minutes te junai deya olaboli ase koishe. Tai khan koishe ke, etu test para SARS-CoV-2 virus toh thuriboli parehbo. Duniyaa sob te melaikena etu bemari para 851,000 manuh morikena ase koishe. Etu machine toh Euroupean Union te beka samay kuan desh para saman te first CE mark kurikena tai khan babo, hoilebi etu baboli nemite US Food aro Drug Administration (FDA) hath para approval loboli lage koishe. “etu saman ola beche, ek moina te 40 million SARS-CoV-2 Rapid Tests koriboli parehbo,” aro saal kotom kora samay etu laga double test hobo, koikena company laga statement para janai thishe. Roche para etu olaikena biotech company SD Biosensor Inc logot melaikena saman toh bagh koriboli koishe.