Mumbai: HRD Ministry pora Bollywood actor Shah Rukh Khan ke honorary doctorate laga award dibo koi kena Jamia Millia Islamia pora hudiya ke mana kuri dise.
The Indian Express pora report kurise ministry pora Maulana Azad National Urdu University (MANUU) pora tai eki baa biche te aro university laga former student ke aro degree dibole toh nabari bo koi kena mana kuri dise. Enika kura laga kanun toh nai.
Report laga hesab te, HRD Ministry pora university ke April 11 te letter bodhai dise,etu te koise: “Etu toh dekhise ki Maulana Azad National Urdu University, Hyderabad pora Shah Rukh Khan ke Honorary degree toh December 2016 te dise.Etu pora,enika koi se ki ekjun manu karne tweita doctorate degrees toh dibole nabaribo.”
Higher Education Secretary R Subrahmanyam pora koise, “2014 pora hi,tweita central university pora honorary doctorate tweita teenta diya laga kodha ekbar be ula nai.” “Kidya Executive Committee pora honorary doctorate dibole karne approval karne hudibo,moi khan pora etu manu ke alak university pora eki award toh di kena ase na nai koi kena sai;aro alak chamela ase na nai koi kena be sai,”tai etu be koise.
SRK toh Jamia laga AJK Mass Communication Research Centre te 1988-90 tak master kuri dhakise.Hoile be tai attendance komti howa karne final laga exam dibole bara nai.
Add Comment