Riyadh, 23 October: Pakistan laga Prime Minister Imran Khan pora Tuesday din janaideya toh, ahha sal India deh national elections lowah bechide India aro Pakistan phal pora relations thakibo karni kosish koribo koise. Khan pora kowah toh, tai India logode peace thakibole karni kosish korise. Hoilebe eku jawab ahha nai koise. Tai tuita desh majode phal pora relation thakibole biswas kori ase. Saudi Arabia’s capital, Riyadh jaga deh investment conference thaga time deh Khan pora aji kali Pakistan toh peace aro security thakibo lagibo koise. Saudi Arabia deh Khan toh second par karni etu moina jabole ase aro tai pora financial motob koribole bhabi ase. Kelay koile etu jaga deh poisa pora dekthari pai thaga karni. Conference time deh Khan pora be Pakistan toh International Monetary Fund (IMF) aro friendly countries logode loans lobole kosish koribo koise. Etu poisa pora debt de bachai rakhibo aro economy deh jolabo koise.
Imran Khan: India logode relation thakibole kosish
Add Comment