Agencies, 23 October: Tuesday din Vietnam’s parliament pora Communist Party General Secretary Nguyen Phu Trong logode desh laga president nemide junise. 1960s Founding President Ho Chi Minh bechide 74-sal Trong toh tuita positions thaki kena first Vietnamese leader ase. Tai jowal moina President Tran Dai Quang mora bechide jeta laga ase. Tran Dai Quang toh ek-sal pora be besi viral bemari pora dukh pai kena mora laga ase. Wada kora ceremony time deh Trong pora nation, manu aro constition deh phal pora kum korijabole wada kora thakise. Tai wada kora time deh kowah toh, etu agae-agae sal time pora pari kena thaga bechide be Vietnam’s ektum dekthari pai ase. Tai pora ami khan laga agae deh, bhari task aro duties toh rokhi ase koise. Etu moina agae hapta phalli party’s Central Committee pora Trong ekala presidency nemide single candidate ase koise. Hanoi jaga Vietnam Institute for Economic and Policy Research deh Nguyen Khac Giang pora kowah toh, general secretary aro president nemide Trong’s thaga pora sob leadership khan logode komchor koridebo koise.
Add Comment