August 19, 2021. World Health Organisation (WHO) para koishe ke, India laga primary Covid vaccine, Covishield toh versions olishe, koikena BBC para janaishe. Etu vaccine doses toh authorities para India aro Africa te July aro August moina te thurishe, koikena WHO statement te janaishe. Aro koishe ke, vaccine bona company Serum Institute of India para vaccine doses toh fake ase janaishe. WHO para warned korishe, etu fake vaccines toh ‘duniyaa laga manuh health nemite besi trangor risk ase’, aro etu hathaboli lage koishe. Covishield toh Indian-made version AstraZeneca’s jab ase aro itya etu India te vaccination samai besi wala jolai ase aro itya dak te 486 million doses manuh logot thikena ase. Serum para Covishield vaccines toh Asia, Africa aro South America te millions oper supplied thikena ase aro itya etu vaccine toh global Covax scheme pithor te kurep countries aro India logot thikena ase. India toh duniyaa te 2nd beya countries ase aro etu saal dak te manuh sob logot vaccine thiboli kam kori ase. Etu saal January moina para soruh hoikena population laga 13 per cent neshina full vaccine thikena ase, koikena khobor para janaishe.
India Covishield te WHO para counterfeit thurishe
Add Comment