Kerala te 21,427 notun cases aro 179 jun mora khobor

Thiruvananthapuram: Wednesday din Kerala te 21,427 notun COVID-19 cases thurishe, etu melaikena itya state te 37,25,005 bemari cases ase aro bemar para manuh 19,049 neshina korikena ase, etu oper te bemar para 179 manuh mora khobor paishe. Tuesday din dak te 18,731 manuh bemar bhal hoishe, etu sob melaikena itya bemar bhal howa toh 35,48,196 ase aro itya dak te active cases toh 1,77,683 ase, koikena state government para khobor toh janaishe. Jowa 24 gonda pithor te 1,38,225 samples neshina tested korishe aro TPR toh 15.5 per cent thakishe. Itya dak te sob melaikena 2,98,23,377 samples tested korikena ase koishe. Districts majot te Malappuram sobse besi 3089 cases hoikena ase etu beche te Kozhikode (2821) cases, ), Ernakulam (2636) cases, Thrissur (2307) cases, Palakkad (1924)cases, Kannur (1326)cases, Kollam (1311) cases, Thiruvananthapuram (1163) cases, Kottayam (1133) cases aro Alappuzha (1005) case ase koishe. Etu notun cases pithor te health workers 86 jun ase, 108 jun toh state laga bahar para aha ase aro 20,262 manuh toh contact kora ase aro 971 cases toh itya dak clear nai koikena khobor para janaishe. Itya 4,98,630 jun toh State pithor alag-alag- districts te surveillance pithor te ase. Etu oper te 4,70,771 toh ghor te nahoile institutional quarantine te bohi ase aro 27,859 jun toh jun toh hospital te ase.