India ke France para Thomas Cup Semifinal te haraise

Horsens, 4 May : Badminton te, India Thomas Cup 2026 semifinal te France logote 0-3 pora harina knockout hoise Horsens, Denmark te. Strong French team, Christo Popov aru Toma Junior Popov (Popov brothers) lead kori, final te ghusishey. Opening singles te Ayush Shetty world No. 4 Christo Popov logote 11-21, 9-21 pora harise. Second singles te Kidambi Srikanth world No. 10 Alex Lanier logote straight game te 16-21, 18-21 pora harise. Itu pichete HS Prannoy bhi world No. 17 Toma Junior Popov logote 19-21, 16-21 pora harai dise. India karone itu unlucky ase, karon Lakshya Sen team te thakianai. Kidambi Srikanth aru HS Prannoy bhal fight kori thakile bhi, chance khan use koribo parianai. Itu jitina, France final te China logote khelibo. China ekdom strong team ase, aru dominant weekend complete koribo try koribo. Uber Cup 2026 te, China aru South Korea semifinal jitina final te ahise, juntu Sunday din khelibo.