Swiss, 22 July : India laga Yuki Bhambri aro French partner Albano Olivett para Swiss Open ATP Tour tennis tournament dey men’s doubles title luishey, Ugo Humbert aro Fabrice Martin laga khilaf yatey final dey khilia piche dey Sunday.
Bhambri aro Olivett laga itu pair, seeded third, ATP 250 clay court tournament dey
taikhan laga French opponents ke 3-6 6-3 10-6 haraina title jitishey.
Itu final match toh one hour aro six minutes lamba thakishey kitia tuita pairs bhi alag ke ekta inch diwoley maana kurishey, kuntu piche dey Bhambri aro Olivett laga Indo-French duo jitishey.
Itu toh 32-saal Bhambri karney third ATP doubles title thakishey aro Olivetti logot partnership kuria homoi second. Tai 2023 Mallorca Championships dey Lloyd Harris logot tai laga maiden ATP title jitishey. Tai itu saal April dey Olivetti logot BMW Open dey second title jitishey.
Bhambri toh June 24 dey doubles rankings laga top 50 pahunjishey aro itu para agey tai laga position improve kuribo.
