London, 27 June : FIH Men’s Pro League Hockey te, India London laga Lee Valley Hockey and Tennis Centre te kali rati Pakistan ke 7-1 pora harai dise.
Pakistan karone Abu Bakar first quarter te penalty corner convert kori lead dise. Kintu itu pichete India pura match control loi loise. Match te India karone sat-ta alag players goals korisey.
Second quarter te Sukhjeet Singh aru Harmanpreet Singh ek-ekta goal kori match laga momentum India phale ghurai anise.
Itu pichete third quarter te Hardik Singh, Jugraj Singh, Abhishek aru Rajkumar Pal goals kori India laga lead aro barhai dise.
Fourth quarter te Dilpreet Singh aru ekta goal kori Pakistan laga comeback laga sob chances khotom kori dise.
Etyia India tai laga agla match te kali England logot khelibo.
