Spain, 7 April : India laga shooters khan ISSF Rifle and Pistol World Cup te nijor campaign aji start koribo, juntu Granada, Spain te hoi ase. Competition tu 10m air rifle aru 10m air pistol mixed team events pora suru hobo.
Pistol event te Palak Gulia, Mukesh Nelavalli logot pair hobo, aru Sainyam, Ujjawal Malik logot team up koribo. Taikhan khan bisi tough competition face koribo lagibo, especially Chinaor strong shooters khan—world champions Hu Kai aru Yao Qianxun, aru Olympic gold medallist Xie Yu, Shen Yiyao logot.
10m air rifle event te India duita team pathaise—Sonam Maskar aru Gajanan Khandagale ekta team, aru Shruti, Arshdeep Singh logot aru ekta team. Taikhan khan top-ranked shooters logot compete koribo, juntu majot ase world No. 1 Sheng Lihao aru Wang Zifei, aru aru strong teams Norway, Germany aru Hungary pora.
India etiya national ranking te 4th pora 6th position te thaka shooters khan select korise, kutey young players khan nijor talent prove koribo chance paise. Itu competition tu dangor importance ase karone agey te thaka ISSF World Championships, juntu 2028 Summer Olympics laga qualification spots dibo, itu age te form test koribo aru experience build koribo karone.
Add Comment