Delhi, 6 May : IPL Cricket te, Chennai Super Kings, Delhi Capitals ke 8 wicket pora harai dise Arun Jaitley Stadium te kal rati. Sanju Samson not out 87 run mari dise aru Kartik Sharma 41 run contribute korisey.
156 run target chase kori, Chennai Super Kings 17.3 over te 2 wicket loss kori 159 run banai loi match jiti loise.
Sanju Samson ke Player of the Match diya hoise. Delhi Capitals pora Axar Patel aru Lungi Ngidi ek-ekta wicket loise.
Etu agey, Delhi Capitals toss jiti bat koribo decide korisey. Bat korina, 20 over te 155/7 banai dise. Sameer Rizvi not out 40 run kori top scorer ase, aru Tristan Stubbs 38 run valuable contribution dise.
Chennai Super Kings pora Noor Ahmad duita wicket loi, aru Akeal Hosein, Mukesh Choudhary, Gurjapneet Singh aru Jamie Overton ek-ekta wicket loise.
Aji, Sunrisers Hyderabad aru Punjab Kings logot Rajiv Gandhi International Stadium te 7:30 PM te match thakibo.
Add Comment