TOKYO, JAPAN:
Sources koishe ke chaku hamla te baro (12) saal chukuri murishe aro etu pichete hamla kura manu tai nijor ke chaku mari kena muri jaishe. Etu ghatna toh Tuesday Tokyo te hoishe. Hamla kura manu para dusra barota (12) manu ke hamal para jokom kuri dishe. Jokom huwa manu te bacha khan bhi thakishe.
Etu mass stabbing toh Kawasaki town te hoishe. Kawasaki toh Japanese capital para south te ase. Etu hamal toh desh te huwa rare ghatna khan ase. Japan te dusra develop desh khan para sob para komti biya aparadh laga record ase. suspect toh kee nimite etu aparadh toh kurishe etu opor te bhal para eku najanai kena ase.
Nippon Medical School Musashi Kosugi Hospital laga deputy director Kiyoshi Matsuda para reporters ke koishe ke baro (12) saal thaka school chukuri aro mota toh tai khan laga jokom nimite muri jaishe.
Local media khobor kurishe ke hamla kura manu toh tai laga 50s te thakishe. Tai bhi nijor ke chaku mari kena muri jaishe. Emergency services koishe hamal nimite komti hoile bhi dusra 16 manu khan jokom hoishe.
Japan Prime Minister Shinzo Abe koishe etu toh bishi mon bikha laga case ase. Moi bishi khong ase.
Etu hamla nimite murija manu khan ke moi laga confdolence dee ase aro jokom huwa khan toh joldi bhal hoi jabole nimite prathana kuri ase.
Add Comment