WASHINGTON, UNITED STATES: Sources koishe ke Sunday United States laga Oklahoma state te rescuers khan shaktishali tornado para bacha manu khan ke besari thakishe. Tornado nimite ghor aro dusra structures khan toh biya kuri dishe. Etu shaktishali tornado tye duita manu nisina murishe.
El Reno Mayor Matt White para televised news conference te reporters ke koishe etiya ami khan ke assess kuribole pare etu sob kuri ase. Ami khan confirm kuribole pari ase ke etu samay te duita manu muri kena ase. aro etu toh bishi apsos laga kotha ase.
Saturday rati te state laga capital Oklahoma City te dangor toofan ahishe aro ekdam seriouys floods bhi ahishe. Tornado aha jaga te 17,000 nisina manu ase aro etu jaga toh state capital Oklahoma City para 25 miles (40 kilometers) west te ase. Etu toofan opor te olop warning hee paishe.
Tornado nimite 29 manu jokom hoishe. Jokom huwa manu khan toh olop jokom para bishi jokom hoi kena ase.
Mobile ghor park toh olop para khotom huwa nai. Aro White koishe tate thaka manu khan ke temporary shelters te pothai kena ase.
Add Comment