PRETORIA, SOUTH AFRICA: Saturday te Cyril Ramaphosa toh south Africa laga notun president hesab te kosom loishe. President Cyril Ramaphosa para notun samay pungchiya laa kotha kurishe.South Africa laga notun President laga sworn in ceremony toh ekdam colourful aro bhal para loishe. President Cyril Ramaphosa koishe tai corruption khilaf te larai kuribole ase aro economy ke bhal kuri dibo.
President Cyril Ramaphosa laga sworn-in ceremony toh 40 desh nisina laga foreign heads of state khan ahishe. Sworn-in ceremony te 36,000 nisina manu khan event toh witness kurishe.
Ramaphosa toh jua saal tai laga African National Congress (ANC) logote para internal politics nimite president hoishe. Aro May 8 elections te ekdam zaruri mandate jeetishe. Job nathaka, inequality, aparadh aro corruption para dhuk pai thaka desh ke sudhar anibole ekdam dikdar pai ase.
Ramphosa koishe South Africa te notun samay ghurai ahi ase. South Africa te ujala din ahi ase. Ramaphosa para kososm dishe ke desh te notun samay ahi ase.
Ramphosa koishe ami khan laga nisina juwan desh nimite ekdam bhal samay ase. Aro ani khan sob para lagi thaka nisina future toh ami khan sob melai kena banabo.
Add Comment