Jammu: Jammu & Kashmir laga high security jail te Pakistani aro local militants melikena tangor network ekta kam kori thaka samai intelligence agencies para 18 mobile phones, Bluetooth devices, 13 SIM cards, chargers, accessories toh jail barracks pithor te thurishe koishe. Friday din Intelligence laga khobor para koishe ke, Pakistani & Kashmiri militants melikena Jammu t high security Kot Balwal jail pithor te tangor network kam kori thaka toh thurishe koishe. “18 mobile phones, blue tooth devices, 13 SIM cards, chargers aro dosura saman toh CID, police, aro CRPF counter-intelligence wing para Kot Balwal jail pithor para thura ase koishe. “etu kam toh militants para tai khan sathi khan logot melikena kam kori thakishe. Etu saman thura pithor te smart phones te applications thaka toh militants aro dosura manuh kohobor loi thakishe. “etu saman thura toh NIA court. Jail staff para search warrants deya nemite pesarai samai thura ase. “jodi jail staff para etu network racket te samil hoikena jail pithor te mobile phones toh thishe naa nai etu investigate jai ase koishe. “militants khan para checking kori ase koikena jana nemite mobile phones aro dosura saman toh barracks pithor te raki thishe, keli koile tai khan laga hath te thakishe nakoboli. “etu mobile phones aro dosura saman toh militant organizations laga overground workers (OGWs) khan para ghor manuh neshina hoikena visit kora samai deya hoboli pareh,” koikena khobor para janaishe. Khobor para aro janaishe ke, etu mobile phones toh militants ekla laga nahoi, hoilebi konuba undertrials te bohi thaka manuh para tai khan laga ghor manuh logot khobor loboli nemite te hoboli pareh koishe.
J&K: jail te 18 mobile phones paishe
