Banihal/Jammu: Jammu & Kashmir laga Ramban district, Banihal town osor National Highway te bomb putai te tui(2) jun manuh jokom paishe, etu pithor te bacha motha samil thakishe, koikena Saturday din police para khobor toh janaishe. Etu blast toh Friday 11:15 pm samai MG Construction site te hoishe aro etu incident toh manuh ke moraboli laga kam thakishe. Blast howa jaga teoh saikena janaishe ke, etu blast toh besi beya bapana te kora ase,” koikena Senior Superintendent of Police, Ramban, PD Nitya para koishe. Etu samai tui(2) jun Gopal Sharma, 35 umer aro Mohammad Aquib 16 umer blast te jokom paishe. Tai khan ke hospital te elaj nemite loikena jaishe aro itya halat toh bhal te ase, koikena police para koishe. MG Company para Banihal bypass toh bonai ase aro etu toh Jammu-Srinagar highway project te four-lane rasta ase koishe. “etu samai olop bapana thakishe, keli koile grenade blast howa nahoile gas cylinder blast bapishe. Ami khan etu jaga te jaikena investigation soruh kora te grenade blast howa thakishe,” SSP para koishe. Mr Sharma ke splinters para lakishe aro jawan chokra toh Madrassa (religious school) student ase, tai toh glass para jokom paishe. Khobor para koishe ke, Madrassa school toh blast howa jaga para 100 meters neshina thur ase, blast laga takot para window glass puta te lakai ase koishe. Etu samai SSP para janaishe ke, road opening party security forces para detonator aro company explosive (galantine stick) toh etu jaga osor te paishe. “etu saman toh rasta osor te rakina thakishe, etu nemite case toh saikena section alag-alag te registered korishe aro itya kam toh saikena jai ase,” koikena SSP para khobor toh janaishe.
J&K’s Ramban jaga blast howa te tui(2) jun jokom
