Thiruvananthapuram: India Meteorological Department (IMD) para Kerala te paani besi tangor keribo koikena warning janaishe. Orange alert toh 4 district- Alappuzha, Kottayam, Ernakulam, aro Idukki te janaishe aro besi tangor paani toh aji aro August 11 darik te keriboli koishe. “tangor paaani (7-11 cm, 24 gonda) para loikena besi tangor paani (11-20 cm, 24 gonda) dak toh State laga ekta nahoile tuita(2) jaga te August 11 darik dak ahibo aro tangor paani (7-11 cm, 24 gonda) paani toh aro ekta jaga nahoile tuita(2) jaga te August 8 darik para August 10 darik dak keribo,” koikena India Meteorological Department (IMD) website te junai thishe. State te southwest monsoon toh besi active aro jaga besi te paani toh besi tangor keribo. Jowa 24 gonda pithor Kottayam district laga Vaikom bosti te te paani toh 12 cm dak purishe. Alappuzha aro Mavelikkara jaga te paani toh 11 cm purishe. Cherthala te 10 cm dak purishe aro Ernakulam jaga te 8 cm dak paani purishe koishe. Etu jaga te hawa toh 40-50 kmph dak southeast Arabian Sea para ahibo koishe. Fishermen khan logot etu samai paani osor te najaboli, IMD para khobor toh janaishe. Thiruvananthapuram, Kollam, Pathanamthitta, Alappuzha, Kottayam, Idukki, Ernakulam, Thrissur aro Kasaragod districts te yellow alert toh August 8 darik nemite janaishe. Red alert toh 24 gonda pithor besi para besi tangor paani 20 cm dak te puribo aro Orange alert toh besi tangor 6 cm para 20 cm dak te paani puribo. Yellow alert toh tangor paano 6 cm para loikena 11 cm dak puriboli janaishe.
Kerala: IMD para 4 districts te orange alert janaishe
