Italy, Turin, December 6, Jude Bellingham bara milestone Ekta banaishey Real Madrid karney first ‘Golden Boy’ award juti kina
Star English Midfielder Jude Bellingham bara Real Madrid karney first Golden Boy award jutai dishey, Tuesday Turin tey. Etu ‘Golden Boy’ award toh best footballer Under 21 players European club tey khilia Han ke present Kurey. 20 years saal Jude Bellingham toh 25 finalists Han laga majo tey etu award Jutishey. Etu 25 finalists Han laga majo tey tai laga teammate Arda Guler be thakishey. Etu award Jutia laga opor tey Bellingham bara kuishey ki tai laga Jeevan tey dangor goals asey aro tai trophies bishi jutiwoley mon asey. Bellingham bara aro kuishey ke Real Madrid aro England team tey pressure bishi asey huilewi tai bishi Khushi asey tuita team karney khiliwoley. Start Midfielder Jude Bellingham bara etu trophy toh tai laga country aro tai laga Spanish club ke dedicate kurishey.
Bellingham toh Ballon D’or gala tey Kopa Trophy be Jutishey, etu trophy toh best under 21 football player karney asey.
England laga Bellingham bara tai laga last goal Los Blancos Han karney gusai kina asey UEFA Champions league tey, Napoli laga khilaf, jintu match tey Real Madrid bara game toh 4-2 Jutishey.
20 years saal Bellingham toh tai laga season bishi bhal bara shuru huishey aro etya taak 15 goals gusai kina asey.
Etya Real Madrid toh La Liga laga top table tey asey. Taihan toh 38 points bara leading asey. Bellingham laga madrid bara 15 games tey 12 Jutishey.
Bellingham laga Real Madrid toh aha match toh Real Betis laga khilaf khiliwoley asey Saturday tey, Jintu Benito Villamarin Stadium tey khiliwo.
