GUWAHATI: Sikkim government para Neolissochilus Hexagonolepis, Chocolate nahoile Copper Mahseer, local nam te Katley (fish) toh Sikkim laga State fish ase koikena junai thishe. Gazette notification te Sikkim government janaishe ke, “Government of Sikkim para Neolissochilus hexagonolepis, Chocolate nahoile Copper Mahseer, local nam te Katley kowa toh Sikkim laga State fish ase junai thishe.” India te Neolissochilus hexagonolepis (Katley) toh besi wala Himalayas aro Northeastern states of Arunachal Pradesh, Sikkim aro Nagaland te ase koishe. Sikkim te Katley fish toh alag-alag altitudes te state pura te Teesta and Rangit rivers aro tributaries te besi ase koishe. “etu fish laga morphological body colour nemite Chocolate Mahseer koikena nam thishe,” notification te janaishe. Katley fish toh freshwater benthopelagic habitat, omnivorous feeder aro potamodromous migration aro etu freshwater te thaki koishe. Katley toh paani jai thaka neshina stones aro gravel be thaki koishe. Etu fish laga fecundity toh 3500 numbers per kg body weight ase aro maximum tangor aro howa toh 11 kg aro 120 cm recorded hoikena ase. Sikkim te fishermen khan para Katley fish toh besi thuri thaki, keli koile besi demand aro market te daam ase. 1992 saal te, ICAR-National Bureau of Fish Genetic Resources (ICAR- NBGR), Lucknow te Katley fish toh endangered species ase koikena janaikena. 2014 saal te etu fishe toh IUCN (International Union for Conservation of Nature) para endangered ase koikena janai thishe.
Katley toh Sikkim state fish junaishe
