Czech Republic, 18 July : Indian rider Kavin Quintal para World SBK SSP300 competitions dey ekta historic debut kuriboley taiyar asey, ekta World Superbike Championship dey participate kuriboley avey Indian rider huishey. Itu 19-saal Chennai star, Kavin Quintal, Irish team laga main rider, Spaniard Daniel Mogeda karney fill in kuribo, kun ekta Supersport 300 class ke lwad kurina jokhum huishey, ekta unfortunate crash dey kuntu para Kavin
Quintal ke itu Irish team dey aniwoley raasta ulai dishey.
Kavin Quintal kuishey ki itu toh tai karney ekta dangor opportunity asey aro tai seekhina enjoy kuriboley eki logot kosis kuribo.
Kavin, ekta world-class rider, itia European Stock Championship dey FIM JuniorGP maju dey aro Asia Road Racing Championship dey compete kuri asey. JuniorGP laga three rounds dey, Kavin logot ekta top-10 finish thakishey.
Ekta rider nishna tai 13 saal umaar dey shuru kurishey, tai toh sobse jawaan rider huishey kun Indian National events dey points kamaishey. Tai agey jaina India dey Talent Cup 2021 aro 2023 tuibar jitishey. Piche dey, Asia Talent Cup events huina,
tai julti ekta mature rider huishey, Europe dey jaishey.
Paul Tobin, Team 109 laga team manager, Kavin ke swagat kurishey aro Asia Talent Cup dey tai laga experience ke tarif kurishey.
Itu practice sessions toh Friday dey thakibo, kuntu piche Saturday aro Sunday dey ekta race each thakibo, Most, Czech Republic dey.
