Kaziranga National Park te flood para 24 janwar morishe

GUWAHATI: Kaziranga National Park and Tiger Reserve (KNP & TR) te paani  flood para komti hoilebi 24 janwar morishe. Etu 24 janwar mora pithor te 17 hog deer, 2 rhinos, 1 wild buffalo, 2 swap deer, python aro cap langur thakishe, koikena Kaziranga National Park laga officials para khobor toh janai thishe. Itya dak te forest personnel para 4 janwar rescued korikena ase, etu oper te 10 din bacha rhino be samil ase koishe. “etu bacha rhino laga ama ke powa nai, rhino bacha toh besi komjur howa nemite Centre for Wildlife Rehabilitation & Conservation (CWRC) te loikena jaishe,” koikena KNP & TR official para janaishe. Puila saal neshina, etu heritage site toh flood para 70 per cent toh affected hoikena ase. “Monday din te halat olop bhal howa nemite, KNP & TR jaga toh itya be 30 per cent paani ase,” officials para koishe. Authorities khan para janwar perai thaka toh besi bhal para sai ase aro jawar toh National Highway cross kora samai risk nathakibo nemite kam kori ase. Kaziranga toh 2,400 one-horned Indian rhinos laga ghor ase. Janwar ke pachaikena rakiboli nemite, etu jaga te forest & district administration officials para kari laga speed limit toh strict te othaikena ase aro kaun para etu hokom namanibo tai khan oper te tagor sajai ase koishe.