Sports

Kinika squash para Abhay Singh ke ek saal dey 26 kilos komti kuri dishey.

October 14, 2023
Hangzhou, China, 13 October : Cage laga lamba glass walls para taike surround kurina thakiley bhi, Abhay Singh para  tai laga racquet bheer dey phikawo parishey ekta dangor heave para. Itu pal piche kunwa din dey— kuntu para mota laga squash team ke gold medal jitaishey agey khotom hua Asian Games dey Pakistan laga khilaf ekta jeet logot— Abhay para internet dey itu laga clips toh olob par toh replay kurishey.
 
Tai itia maanishey ki tai eman yaad nai ki huishey itu adrenaline-soaked, testy final dey Noor Zaman laga khilaf.
 
“Mui nijor ke harishey (itu pal dey) kuntu karoney mui para mui laga racquet toh bheer laga maju dey phikai dishey. Ki hui thakishey mui jani thakianai. Mui hosa bhi bishi emotion feel kuri thakishey. Sob toh settle hua piche dey bhi bishi cheez chuli thakishey. Eman bishi emotions,” Abhay para kuishey The Indian Express ke ekta Twitter Space dey itu mahina agey dey. “itu agey homoi asey mui laga racquet mui bheer dey phikai dia toh. Itu toh urina jaishey. Twitter dey video ekta asey kuntu mui bishi par sai asey. Haansiwo mun asey kinika manu khan itu pal dey react kurey.”
 
“Mui kitia 15 saal laga thakishey, mui olob overweight thakishey. 96 kilos nishina thakishey parey. Mui itu vazan hatawoley phabna kuria yaad asey. Toh mui phabishey squash khilia para motut kuribo parey. Kunwa mahina pitor dey, mui India dey top 4 ekela dey jaa nahuina, huilewi 26 kilos nishna harishey ek saal pitor dey aro 70 kg tak girishey,” Tai kuishey.