Dharamsala, 29 February : India batter KL Rahul ke England laga khilaf five-match series laga fifth aro final Test test para rule out kuri dishey Dharamsala dey, BCCI para thursday dey janai dishey. Rahul toh itia ekta jokhum para recover kuri asey aro BCCI Medical Team para taike monitor kuri asey aro London dey specialists khan logot tai laga isshe agey manage kuriboley coordinate kuri asey. BCCI para bhi janai dishey ki star pacer Jasprit Bumrah, kun agey dey squad para release huishey, team ke Dharamsala dey fifth Test karney wapis join kuribo.
“Jasprit Bumrah kun ke squad para 4th Test karney Ranchi dey release kuri dishey, squad logot Dharamsala dey 5th Test karney link-up kuribo,” kuisheh BCCI para ekta release dey.
“Washington Sundar ke squad para release kuri dishey. Tai Tamil Nadu join kuribo – tai laga Ranji Trophy side – taikhan laga Ranji Trophy Semi-final fixture karneg Mumbai laga khilaf, kuntu March 2nd, 2024 dey shuru huwo. Tai India squad ke domestic fixture khotom huina fifth Test karney join kuribo, lagi ley,” agey kuishey.
BCCI para bhi kuisheh ki star pacer Mohammed Shami, kun Monday dey ekta surgery luishey, julti National Cricket Academy (NCA) dey jawo Bengaluru dey tai laga rehabilitation process shuru kuriboley.
India laga updated squad, 5th Test karney : Rohit Sharma (C), Jasprit Bumrah (VC), Yashasvi Jaiswal, Shubman Gill, Rajat Patidar, Sarfaraz Khan, Dhruv Jurel (WK), KS Bharat (WK), Devdutt Padikkal, R Ashwin, Ravindra Jadeja, Axar Patel, Kuldeep Yadav, Mohd. Siraj, Mukesh Kumar, Akash Deep.
