Washington, United states, 19 March : Lionel Messi toh United States dey thakia Argentina laga ahia thakia friendlies para ulai dishey ekta hamstring jokhum karney, Argentina Football Association para Monday dey confirm kurishey. Itu Inter Miami superstar toh friendlies dey world champions karney line up kuriboley thakishey El Salvador laga khilaf Philadelphia dey Friday, Costa Rica je Los Angeles dey samna nakuria agey dey March 26. Huilewi, itu 36-saal Argentine captain toh jaa haafta CONCACAF Champions Cup dey Miami laga 3-1 jeet Nashville laga khilaf dey para ekta hamstring jokhum hua piche dey para luina recover huanai.
Messi, kun Nashville laga khilaf jeet piche dey khali half-time dey substitute kurishey, D.C. United laga khilaf Miami laga jeet miss kurishey Washington dey Saturday.
Miami coach Gerardo Martino para Saturday dey Washington laga khilaf taikhan laga team jitia piche dey hint kurishey ki Messi toh March internationals miss kuribo parey, kuishey team para ahia mahina laga CONCACAF Champions Cup quarter-finals karney tai fit thakia ensure kuribo mun asey.
“Itu toh clear asey ki tai logot ekta objective asey ki tai CONCACAF Champions Cup laga quarter-finals dey khilibo paribo. Muikhan eku risks luwoley nahoi,” Martino kuishey.
