Love Island laga star Mike Thalassitis ke tai laga ushor te muri kena paise

ITV2 show  laga 2017 series te ula Thalassitis, 26,Essex te tai laga khor ushor te muri kena paise.

Love Island laga star Mike Thalassitis ke Essex te tai laga khor ushor te muri kena paise koi kena tai laga management pora confirm kurise.

26 umar,etya tok mura laga matlab najaniya laga star toh, Celebs Go Dating te be contestant dhakise  aro Stevenage karne  former semi-professional footballer dhakise.

ITV laga kodha kuriya manu aro Love Island produce kura manu pora koise: ” ITV2 aro Love Island laga manu khan sob pora etu laga alak khobor ke ektam asurat ase. Moi khan laga mondukh aro modot toh enika dukh somoy te laga khor manu khan logot te ase.” Mike ula 2017 series te chidiya Kem Cetinay aro Amber Davies, pora taijun laga mondukh tweet kurise. Tai logot te dhakiya contestant Chris Hughes  laga  girlfriend, Olivia Attwood logot te ula biche te 2017 series te tai ula pora “Muggy Mike”  laga nickname paise. Hughes pora pora Mike mura laga khobor  ke tweet kurise: “Tai laga nam toh Muggy Mike dhakiya nai. Morom pora enika madiya rukhibe.

“Tai laga nam toh Mike Thalassitis dhakise, aro moi laga mon toh tai laga khor manu khan aro sadi khan logot te ase.Ektam phal manu ke eman joldi bishi dur jag ate loi jaise.”

Tai laga former football club, Stevenage,pora koise datey dhakiya manu khan sob toh etu laga khobor ke asurat lagise “.

Calum Best, former Celebrity Love Island contestant aro footballer George Best laga bacha pora, tweet kurise: “Jesu etu toh mike loi jowa toh bishi mondukh ase. Eman bacha te. Phabna aro pradhna toh tai laga khor manu khan aro sadi khan logot te di ase.”

Love Island laga host Caroline Flack pora tai laga mondukh kodha jonai dise, aro koise ki tai toh ektam moda dhakise.

Etu tweita pair toh ulap morom te linked dhakise koi kena kodha behlai dhakise.

Thalassitis toh The Only Way Is Essex  laga star Megan McKenna logot te jowa sal charise.

Tai mura toh tai laga best friend Danny Cutts Christmas Eve te muriya twei mohina biche te hoise.

Aro khobor dhakise ki tai pora sabole karne eki logot te dhakiya tai laga grandmother bhi tai muriya tweidin ake te murise.