Imphal, December 7 : Manipur te, jati laga larayi chulithaka majotey aro mudu aro drugs cola ke target kurikina ekta campaign chuli thaka homoitey, Manipur cabinet para December 4 te mudu para total ban uthaidisey.
Etu faisla tu rajya laga sarkar para poila te ekta kadam utha picheyte luwa laga asey kotey ek saal ageyte rajya laga economy ke barabole aro license nathaka nohoilebi ghor te bana mudu khaikina gao biya huwa laga risk ke komabole laga kosis te mudu bikri kora laga bandh tu adha hataidisiley.
Manipur tu 1991 para ekta dry state huwa laga status maintain kurisey ‘Manipur Liquor Prohibition Act’ lagu kurikina. Rajya laga cabinet para mudu bana, kina, dusra jag ate patha, dusra jaga para ana, aha loija kora, kina, bikri kora aro khabole nimitey approval disey.
Etu saal laga December 6 te, ekta gazette notification publish hoisey kuntu te mudu ke legal banabole laga nyom aro kanoon laga details janaisey. Etu ban tu juwa saal laga September moina te adha hataidisiley aro enaka kurikina district headquarter khan te mudi bikri koroa aro kina laga permission disey komsikom 20ta beds lgotey aro local mudu dusra jaga te supply kuribole laga bi izazat disey.
