Imphal, May 26, 2025: Monday din te Officials khan para janai dishe ki. Manipur Police khan para 3da Militants ke arrest kurishe koishe. Etu toh alak alak operation te thakhishe koishe State pura te.
Yete May 24 din te. Security Forces khan para Md. Sadam ke arrest kurishe koishe. Tai toh 31 saal ase. Aru taitoh KCP laga group member ase koishe. Tai toh Imphal East District laga Taingangpokpi para ase koishe. Aru Thoubal District Headquarters para arrest kurishe. Yete Sadam toh family khan ke jukai thakhishe koishe. Yete School aru Colleges khan ke taikhan laga bacha ke backdoor para gushia dibole. Aru poisa khan loi thakhishe koishe. Authorities khan, tai laga haat para Documents aru Electronic saman, duita Mobile phones, SIM Cards aru alak ID khan bi paishe koishe.
Aru etu eki din te. Police khan para Nambram Amujao Singh ke arrest kurishe koishe. Ta toh 25 saal ase. Aru UNLF laga group para ase koishe. Taike Bishnupur District laga Moirang Sendra Rasta, Koireng Statue para durishe koishe. Tai toh Churachandpur District te thakhea manu ase. Hoilebi tai toh Moirang Relief camp te thakhi kina. Yete Local business, Government schools aru Public manu khan ke damki dikina poisa mangi thakhea koishe.
Aru May 25 din te. Police khan para Wahengbam Isreil Singh ke arrest kurishe. Taike Imphal West District laga Patsori Part-1 Bosti para durishe koishe. Tai toh 47 saal ase. Aru KCP laga Group para ase koishe. Taibi manu khan ke damki dikina durishe koishe. Yete tai laga haat para Duita Mobile Phones aru SIM Cards bi paishe koishe.
Add Comment