Tripura: Tata Driver toh National Highway Side Khowai te Murishe

Khowai, May 25, 2025: Yete ja laga saal khan te. Country pura te Infrastructure phane bishi bhal hoa toh dikhibole parea ase. Bishi bak toh rasta aru Highway khan te. Hoilebi Tripura te toh. National Highway rasta toh bishi bia para banai kina ase koishe. Etu toh Dharma Nagar para Agartala aru Khowai te ja laga rasta te. Yete rasta bia nimete ekta manu murishe koishe. Khowai te Khobor pa hisab te. Friday laga Phuzur phane. Driver Ismail Mia (42) toh tai laga Tata gari chulai thakhishe koishe. Etu toh Dharma Nagar para Agartala aru Khowai te jai thakhishe koishe. Yete bhal saman khan bukhi thakhi kina. Yete tai toh Champahaor Police Station laga bitor Bachaibari-Behalabari jagate ja homoi te. Bishi pisab lagishe koishe. Yete tai Nobaronbari te. Tata Gari toh Rasta laga side te park kuri kina pisab kuri thakhishe koishe.  Enika homoi te ekta Tata toh Dharma Nagar te ahi thakhishe koishe Agartala. Etu Tata toh Speed para ahi thakhishe koishe. Aru tai laga osor te punchea homoi te Rasta bi ate lagi kina rasta kiner te lagishe koishe. Etu bi Ismail Mia toh khara kurea jagate.  Aru taike mari dishe koishe. Yete olop pichete Local manu khan Ismail Mia ke dikhishe koishe Rasta te jokhum hoi kina thakhea toh. Yete taikhan para Khowai Hospital te punchai dishe koishe. Hoilebi Doctor para murishe koi kina janai dishe. Aru khobor hisab te Ismail Mia toh Dharma Nagar laga Kadamtala jagate thakhea manu ase koishe. Aru tai laga body toh wapas pathai dishe koishe.