April 25, 2025: April 24 din te. Manipur Police khan para Imphal Districts khan te. Militant laga group members khan ke durishe koishe.
Authorities khan para KCP laga group. Yaikhom Kiran Meitei (28) ke durishe koishe. Taike Imphal East District laga Phaknung Sangomshang Bosti para durishe koishe. Tai laga haat para mobile phone bi uthai loishe. Etu operation te aru alak KCP Member kebi durishe. Ratan Singh (48) ase. Tai duijun bi Petrol Stations te damki dikina poisa mangi thakhishe koishe.
Aru etu eki din te Security Forces khan para KCP group member ke durishe. Tai toh Takhellambam Premkumar Singh ase. Aru tai toh 47 saal ase. Taike Chekshabi Pat laga Farm house para durishe koishe. Taibi local manu khan ke damki dikina poisa mangi thakhishe koishe. Tai laga haat para 3da Mobile phone, personal Identification documents aru Gari paishe koishe.
Manipur Police khan parabi RPF/PLA laga member ke durishe. Tai toh Leiphrakpma Sanatomba Meitei ase koishe. Aru tai toh 32 saal ase. Taike Imphal West District para arrest kurishe. Khobor hisab te, tai toh Schools khan te Poisa jama kuri thakhishe koishe. Aru taike durea homoi te, tai laga haat para Rs 30,000 cash paishe koishe. Aru Mobile Phone aru Bike bi durishe koishe.
Aru alak RPF/PLA member ke durishe. Phuritshabam Sunil Singh (39) ke. Taike Khonghampat laga Orchid Farm para durishe koishe. Tai laga haat para Mobile phone paishe.
Add Comment