Mohnapur, April 24, 2025: Police khan para ekta Youth chokra ke bodnam kuri kina arrest kurishe koishe. Yete tai eku galti kaam nakuri kina bi. Etu jamala toh Wednesday din te hoishe koishe Bishalgarh Police Station te. Khobor hisab te, Madhupur para koishe ki. Police khan para Razzaq Mia (43) laga ghor hamal kurishe. Aru tai toh Ganja bika manu ase koishe, Harihardola Bosti te. Aru 17 kg laga suka ganja toh durishe.
Hoilebi Hamla kurea homoi te. Kunkebi arrest kuribole parea nai koishe. Hoilebi Police khan wapas ja homoi te. Taikhan ekta Chokra 15 saal, Rubel Mia ke arrest kuri loishe koishe. Aru tai toh tate laga ghor osor. Habibur Rahaman laga bacha ase koishe.
Hoilebi Rubel laga Family members khan para. Police upor te protest kurishe koishe. Hoilebi Police khan para koishe ki, etu chokra ke toh Witness karne he loishe koishe. Arrest kurea nai koishe. Aru Police khan para Promise kurishe ki, etu chokra ke chari dibo koishe phuzur te. Hoilebi ghor te pathai nai koishe. Rubel ke Police Station te he buhibole dea ase koishe. Aru olop pichete Police para koishe ki. Rubel ke Court laga agea te pathai dibole ase koishe.
Add Comment