Imphal, February 09 : Manipur Cabinet para khatarnat area khan te duty kora Manipur Police Commando aro alag state forces(manu khan laga suraksa nimitey kaam kora khan) laga tankha te allowance baraidibole approve kurisey.
Manipur Police Commando laga salary te allowance tu etya para Rs 5000 para uthibole asey.
Etu nisna, danger area te duty kora rajya laga alag forces khan laga salary te bi allowance tu Rs 3000 para uthibole asey.
Manipur laga Chief Minister N Biren Singh para tailaga X account te enaka likhisey, “State Cabinet para danger area te duty kora amikhan laga bahadur Manipur Police Commando aro rajya laga alag forces khan laga allowance baraidibole faisla kurisey. Etya para, khatarnak area te kaam kora Manipur Police Commando laga allowance tu Rs 5000 para uthibole asey aro state forces laga allowance tu Rs 3000 para uthibole asey.
Friday din te state cabinet para cabinet hall te ekta meeting rakhisey kuntu te bisi alag alag mamla discuss kurisey.
Etu meeting ke dangor manu jaiseki Chief Secretary, Manipur Police Department, NCB, NAB, Forest Department, MARSAC aro Forensic Science khan para attend kurisey. Etu meeting te gairkanooni poppy kheti kora tu khotom kuridibole nimitey state government laga commitment thaka tu janaisey.
Etu mamla te majboot hoikina khara thaka tu janaikina, CM N Biren Singh para etu mamla laga khilaf te effective para laraibole nimitey milikina kaam kuribole aro milikina kadam uthabole laga jarurat tu janaisey. Tai para Manipur para drugs laga musibat ke pura puri hataidibole nimitey sarkar laga determination thaka tu wapas dohraisey.
Add Comment