IMPHAL: Meghalaya chief minister aro NPP (National People’s Party) laga national president Conrad Sangma toh Manipur laga capital Imphal pongchise koishe. Conrad Sangma toh Manipur te tui(2) din visit nemite ahishe koishe. Etu tour kora samai Conrad Sangma para state NPP leaders logot meeting koriboli ase koishe. Sangma para 2022 Manipur Assembly election nemite Manipur NPP leaders khan logot kotha koriboli ase koishe. NPP MLA L Jayantakuma para Conrad Sangma ke Imphal Airport te jaikena Saturday saam te othaishe. Imphal te Conrad Sangma land kora beche tai para koishe ke tai NPP Manipur leaders logot election strategies kotha koriboli ase janaishe.
Meghalaya CM & NPP president Conrad Sangma Manipur pongchise
