Shillong, 5 May: Meghalaya District, West Khasi Hills laga Umthlong village deh gondogol hoishey Friday deh. Duita manu ke biya ba dukh dina manu kan ba gusa deh milina mari marina morai dishey. Duijun laga naam toh Melar Kurbah, age 36 aro Harmendra Kharkylliang, age 50 thakishey aro duijun bi Umshyrwang village bitor same district deh thaki thakishey.
Police report laga hisab ba Kurbah aro Kharkylliang toh Umthlong village deh pipe load laga labor kaam ekta nimey deh olaishey. Hoilibi taikan laga kopal toh mudu laga karan biya hoi jaishey. Taikan joborjosti kurina ghor ekta deh gushishey aro taijun toh duita, amma aro taila chukri bacha ke assault kuriboley attempt kurishey. Etu ghatna ba osor deh thaka ghor manu kan ke alert kurishey aro ama aro taila chukri bacha ke bachawoley taikan punjijaishey.
Situation toh contain kuriwoley effort kan dhalishey aro Community Hall deh investigation kan bi conduct kuriwoley effort dhalishey hoilibi rape attempt laga khobor toh jui nisna phalli jaishey. Aro etu bodnam kan laga opor deh manu kan ba gusaba milina Kurbah aro Kharkylliang ke Community Hall ba bahar olaishey aro taikan ke mari marina luijaishey. Manu kan ke rukhawoley attempt toh hoishey hoilibi ekta toh tadey he tailaga jokom kan ba naparina murijaishey aro alag toh hospital lui ja time deh rasta deh muri jaishey.
Add Comment