Agencies: Sources koishe ke Meghalaya kickboxer Hame Shaniah Suiam toh fourth International Turkish Open Kickboxing Tournament te India ke represent kuri kena khelibole ase.
Etu tournament toh April 4 te suru kuri kena April 7 tok chuli jaboe ase. Etu event toh Turkey laga Antalya city te hubole ase.
Hame Shaniah Suiam toh 57 kg nichete hissa lubole ase. Etu toh mota khan laga category te Point Fighting aro Kick Light te hubole ase.
Etu tournament te K1 Rules, Low Kick, Full Contact, Light Contact, Point Fighting, Team Fights, Musical Form events khan hubole ase.
Tournament laga total prize poisa toh 30,000 Euros opor hubole ase. Etu event toh World Association of Kickboxing (WAKO) para organize kurishe.
Khobor hesab te Suiam toh Shangpung laga West Jaintia Hills para ase. Suiam toh char (4) bar desh laga gold medalist ase.
Add Comment