Agencies: Khobor hesab te Minister of State for Panchayat and Rural Development (Independent ) Naba Kumar Doley ke Assam Football Association (AFA) laga notun President hesab te chunishe.
Sources koishe ke Naba Kumar Doley ke 2019-2023 laga term nimite president hesab te chunishe koishe. Etu program toh AFA laga Annual General Meeting te hoishe. Etu toh Guwahati laga Deshbhakta Tarun Ram Phukan Indoor Stadium te hoishe.
Khobor hesab te etu meeting te state laga 51 affiliate hoi kena thaka districts unit laga representatives khan ahishe.
Meeting te 22 office bearers aro governing body members khan bhi chunishe.
Etu election process toh advocates Bijon Kumar Mahajan aro Nausad Alam para supervise kurishe.
Doley toh 2011 aro 2016 saal te state legislative assembly elections te Dhakuakhana constituency para chunishe.
Hemendra Nath Brahma toh AFA laga secretary hesab te chunishe.
AFA toh 1951 te suru kurishe. AFA toh All Indian Football Federation logote affiliate kuri kena ase. Aro AFA toh Indian State Football Associations laga 36 associations te ekta ase.
Add Comment