SHILLONG: Shillong te manuh khan ke motob thiboli nemite kaun mauh khan capital city te curfew nemite fasikena ase, Meghayala Police para sob melaikena 10 helpline numbers janai thishe. Meghalaya Police para stranded citizens khan ke requested korikena etu numbers te jodi motob lageli motob mangkiboli janaishe. Etu helpline toh Twitter handle te share kora samai, Meghalaya Police para lekishe “Shillong te stranded citizens nemite Helpline Numbers olaishe, morom para jodi motob lageli etu numbers te phone koribe.”Capital city Shillong laga alag-alag jaga te hatsa besi beya jai thaka nemite, Meghalaya government para curfew toh August 18 darik 5 am dak othaboli fesla korishe. Internet services ban toh be aro 24 gonda extended korishe. Government para Meghalaya laga 4 district te mobile internet services ban korikena thaka toh East Khasi Hills, West Khasi Hills, South West Khasi Hills aro Ri-Bhoi district te korikena ase. Twitter handle te helpline numbers share kora samai, Special DGP of Assam, GP Singh para lekishe ke, “Helpline numbers toh @MeghalayaPolice para Shillong, Meghalaya te fasikena thaka manuh nemite ase.” Etu curfew toh Shillong, the East Khasi Hills district te former HNLC leader Chesterfield Thangkhiew ke morai deya nemite tangor jamila hoikena protests kori thaka nemite ase. Monday din te Meghalaya Cabinet para former HNLC leader Cheristerfield Thangkhiew ke morai deya nemite judicial inquiry koriboli fesla loishe. Meghalaya Cabinet para aro peace committee ekta bonaboli fesla loishe aro etu committee toh deputy chief minister Prestone Tynsong para head hoikena kam koribo koishe.
Meghalaya Police para helpline number janishe
