Meghalaya Police Sub-Inspector, Gurugram dey raasta accident dey murishey 

Gurugram, 17 February : Meghalaya Police sub-inspector Amit Sinha ekta tragic raasta accident dey murishey Saturday dey Haryana laga Gurugram dey.

Gurugram Sector 53 Police Station dey ekta FIR register kurishey kutey kuisheh ki itu accident toh 3.30AM aro 3.50 AM maju dey huishey Saturday dey Sanar International Hospital osor dey.

Amit Sinha, kun Meghalaya Police dey August 2012 dey join kurisheh, New Delhi dey ekta official visit karney jaishey, aro itu ghatna homoi, tai, tai laga saathni Digvijay Singh logot pirai thakishey.

Itu FIR hisab dey, Digvijay Singh para register kuria, taikhan Gurugram Sector 58 dey ekta restaurant dey dinner karney jaishey.

Kitia Amit Sinha aro Digvijay Singh toh wapis ahi thakishey, taikhan laga gaari, ekta Merdedes Benz ( HR 26 DG 3865) ke ajanak piche para ekta anjaan gaari para marishey.

Itu gaari toh Digvijay Singh para chulai thakishey, itu aanjan gaari para maria piche dey control harishey, aro itu accident log paishey.

Amit Sinha ke Gurugram laga Sanar International Hospital dey doctors khan para tai laga maut hua janai dishey, aro itu gaari laga driver, Digvijay Singh bhi kunwa jokhum khaishey aro hospital dey admit kurina asey.

Gurugram Police para itu case register kurishey, aro itu case investigate kuria shuru huishey. Itu investigating team para itu jagah laga CCTV footages access kuriboley kosis kuri asey, itu accident kinika huishey itu janiwoley, kuntu karney Amit Sinha laga maut huishey.