Shillong, August 10 : Meghalaya laga Court of Special Judge, POSCO, para ekjun rape laga jurm kora manu ke Rs 5000 fine logotey 7 saal jail te dukh para thakibole laga sajai hunaisey.
POSCO court para Md Anishur Rahman koikina ekjun tempo driver ke March 2017 te ekjun chutu chukri ke rape kora laga mamla te golti thaka paisey. Etu hatsa tu titya hoisey jitya etu chukri tu ekta tempo te buhikina Chibinang jaga te jai thakisey.
Etu ghotna para rajya ke asurit kuridisey. Etu chukri laga ama baba para Tura Police Station te ekta missing case file kurisiley.
Etu case laga asli mujrim ke West Garo Hills, Tura laga ekta POSCO Court para doshi pa pichetey 6 saal pichetey etu rape laga sikar huwa chukri aro tailaga parivar tu olop mon aram paisey. Tura te thaka Court of Special Judge, POSCO para tempo driver Anishur Rahman ke golti thaka paisey.
Lagatar investigation kora para etu suspect olaisey ki utu chukri ke kuntu tempo te rape kurisey etu tempo laga driver aro Chibinang weekly market te thaka ekta furniture dukan laga malik Md. Sarhab Ali laga chokra Md. Anishur Rahman, kun ke Rahul laga naam para bi jana jai, tai tu etu chukri ke joborjosti utha aro galat kaam kora laga doshi paisey.
Add Comment