Australia, December 5, Puila Australia teammate David
Warner aro Mitchell Johnson laga majo tey controversy Thaka nimi tey Johnson ke commentary bara hatai dishey.
Johnson bara likhishey ki David Warner ki Pakistan la test series karney select kura la vaja toh Warner laga form karney nahoi, taike select kura la vaja toh tai retirement luwoley thaka karney asey enika Johnson bara janai dishey. Johnson bara aro kuishey ki Australia laga chief selector George Bailey toh players Han lokot bishi close asey, etu la Karan selection process toh affect hui Jai. Etu la controversy la bichey tey Warner aro Johnson Pakistan la khilaf test series tey saat khiliwo thakishey, huilewi etu toh aro Nahuwo nishna.
Agey tey Johnson bara kuishey ki tai Triple M commentary team laga Hisa thakiwo test series karney. Huilewi, commentators Han laga confirm list jintu company bara Tuesday tey release kurishey, tatey Johnson laga naam nai. Commentators Han laga naam toh Meri Hughes, Wasim Akram, aro Mark Taylor di kina asey.
Johnson bara Warner laga khilaf controversial statement dia bichedey tai bara etu laga Karan kuishey.
Johnson , Australian pacer kun bara Warner laga ball tampering controversy be mention kurishey aro kuishey ki Warner toh “Hero’s sendoff” deserve nakurey.
42 saal Johnson bara Warner Ella nahoi kina Australian chief selector Geroge Bailey laga khilaf bi khota likhishey. Johnson bara Bailey la opor tey Khushi napa janai dishey, Warner ke Australian team tey select kura karney.
Johnson bara janai dishey ki Warner bara taike text message Ekta send kurishey jintu bishi personal thakishey. Etu la opor tey Johnson bara etu kuishey :
“Muike Dave (David) bara message send kurishey jintu bishi personal thakishey. Mui taike call kuriwo koshis kurishey etu message la opor tey khota kuwoley. Mui sob manu ke open asey team tey aro mui media tey mon Khushi napa la kunba kui diley Muike ahi kina khota kuri luwi” enika Johnson bara janai dishey The Mitchell Johnson Cricket Show tey.
“Mui karney etu personal thakanai huilewi etya toh personal hui jaishey. Etu karney mui etu article likhishey” Johnson bara aro etu kuishey.
