AIZWAL: Mizoram osor Indo-Myanmar border te Assam Rifles troopers aro Customs department laga officials melikena heroin thurishe. Khobor thaka nemite Assam Rifles troopers aro Customs department laga officials para Mizoram-Myanmar border, Zokhawthar town te heroin 119 grams thurishe, koikena Assam Rifles para etu khobor toh junaishe. Etu contraband laga kemat toh Rs 47.84 lakh neshina ase aro etu Myanmar para smuggled kora laga ase koishe. Dosura joint operation ekta te, Assam Rifles aro Customs department para aro Myanmar border osor Champhai district, Chhungte bosti te foreign-origin cigarettes toh 52 cases thurishe koikena official para janaishe. Etu smuggled kora saman toh Rs. 1 crore kemat ase aro Champhai te legal kam nemite Custom Preventive Force laga hath te pongchaise.
Mizoram aro Myanmar border te foreign cigarettes thurishe
