GUWAHATI: Monday din te Lailapur Cachar district pithor inter-state border te Mizoram police aro osor bosti manuh pithor te larai korikena komti hoilebi 6 jun Assam police morishe aro 65 neshina jokom paishe. Cachar SP Nimbalkar Vaibhav Chandrakant aro Dhalai police station laga officer in charge be Mizoram side para goole mara te jokom paishe koishe. Jokom powa police personnel pithor te Cachar SP and Dholai police station OC ke Silchar Medical College Hospital (SMCH) te medical elaj nemite loikena jaishe. Cachar Deputy Commissioner Kirti Jalil laga gari be beya hoishe aro etu Mizoram side para hamla kora samai ase koishe. Khobor para janaishe ke, tuita(2) state laga police khan Lailapur jaga Assam’s Cachar district te camping kori thaka samai border osor Mizoram’s Kolasib distric te halat toh besi beya jai thakishe. Assam police officials para koishe ke, Mizoram side para manuh besi ahikena hamla kora ase janaishe. Mizoram officials para be koishe ke, Assam side te manuh khan para Mizo couple ekta gari te jai thaka samai gari toh beya kori thishe koishe.
Mizoram border te Assam police 6 jun morishe
