Sikkim te 97 Delta variant thurishe

GANGTOK: Sikkim Government aro Himalayan State te bohi thaka manuh nemite besi tangor bapana kora te ‘andaz’ para samaples tests lowa te 97 Delta variant cases thurishe koishe. Etu 98 samples andaz te select korikena osor desh West Bengal te laboratory te genome testing nemite puta te thura ase koishe. Itya etu khobor para besi tangor bapana te ase. 98 samples test kora te, 97 toh Delta variant COVID-19 positive khobor ahishe. Etu khobor toh Sikkim health minister – MK Sharma para Monday din te junaishe. Samples toh West Bengal te genome testing nemite June 23 darik te puta ase koishe. “Delta variant toh 97 samples te thurishe,” koikena Sikkim health minister – MK Sharma para koishe. Delta  toh COVID-19 te besi tangor transmissible variant ase aro etu case toh 1^st India te jowa saal December moina te thura ase koishe. Etu samai Monday din Sikkim te 257 notun COVID-19 cases khobor paishe, etu notun cases toh melaikena Sikkim te itya caseload toh 23,649 hoishe. Himalayan state te itya dak 2429 active cases hoikena ase, aro bemari para 324 manuh morikena ase, 24 gonda pithor te manuh mora khobor toh powa nai koishe.