AIZAWL: Mizoram Bairabi police station te Assam police kelaaf te construction saman chor kora nemite case registered korishe koishe. Khobor para janaishe ke, Kolasib deputy commissioner para tai laga counterpart Hailakandi logot Assam te Assam police personnel para chor kora nemite letter te janaishe. “20th August 2021, 12 PM samai, Assam police duty samai Mizoram jaga Zophai, Bairabi te ahishe, etu samai Pu Ch Chhunga, Mizoram laga first Chief Minister laga mathi te bridge bonai thaka jaga te ahikena bridge bonai thaka saman toh chor korishe,” koikena letter te janaishe. Khobor para aro koishe ke, “etu jaga te Assam police para jaga te manuh khan kam kori thakai te ahikena jamila thishe aro kam laga saman oper te iron rods toh chor korikena jaishe.” “Bairabi police station te kam kora laga saman chor korikena jowa kelaaf te police case filed korishe,” koikena letter te aro janaishe. Etu samai, Kolasib Deputy Commissioner para tai laga counterpart logot etu case toh boundary jamila neshina nasaboli koishe.
