AIZAWL: Mizoram para Rajya Sabha MP, K Vanlalvena tohDelhi te COVID-19 positive tested thurishe koishe. 51-umer Mizo National Front (MNF) leader para koishe ke, tai ke Covid-19 symptoms thaka nemite sample tested kora te Thursday din RT-PCR test para bemar toh positive khobor paishe. Tai para aro koishe ke, itya tai Chanakyapuri Delhi, Mizoram House te isolated te bohi ase aro tai logot fever aro body ache ase koishe. “ami itya Mizoram house te isolation te bohi ase, ami logot mild symptoms neshina light fever, nasal congestion aro body ache ase. Hoilebi ami danger te nahoi,” koikena tai para janaishe. Vanlalvena toh itya national capital te camping kori ase aro Union Ministers aro dosura officials logot Myanmar refugees nemite kotha koriboli ase koishe. “ami itya Centre te Union Ministers aro dosura officials khan logot lok paboli appointments loikena ase. Ami besas ase ke negative test hoikena aro thik samai te tai khan logot lok koribo.” tai koishe. Etu samai, Mizoram te Thursday din Covid-19 bemar para ek jun mora khobor paishe, etu melaikena Covid-19 bemar para 251 manu morikena ase. Komti hoilebi, 925 manuh alag-alag Covid-19 care facilities para discharged hoikena ase, koikena etu khobor toh government bulletin para 5 pm te khobor toh janaishe. Thursday din state te 1,402 Covid-19 cases thurishe, etu melaikena state te 75,470 bemari cases ase. Itya dak te active cases toh 13,047 hoikena ase aro etu samai sob melaikena 62,172 manu bemar bhal hoikena ase koishe.
