Mizoram te COVID-19 para 3 jun morishe aro 527 notun cases khobor

AIZAWL: Mizoram te 24 gonda pithor te COVID-19 bemar para 3 jun morishe aro 857 notun positive cases thurishe. Etu tinta(3) manu mora khobor melaikena itya Mizoram te Monday din dak te 295 manu morikena ase. Mizoram te sob melaikena 88,683 Covid19 positive cases hoikena ase. Etu notun cases te  457 toh RT-PCR test para thura ase TrueNAT test para 26 thurishe aro 22 cases toh FIA para positive thurishe. State Information aro Public Relations department laga Covid-19 update statement hesab te koishe ke tui(2) jun mora khobor thakishe aro 24 gomda pithor te 246 jun morishe koishe.Sunday din te 1,089 manu neshina ke bemari positive tested thurishe. Saturday din Mizoram te 725 Covid19 cases khobor thakishe aro bemar para manuh mora toh 234 hoishe aro etu samai Saturday aro Sunday majot te 4 jun mora khobor paishe. Saturday din te ek din laga bemari rate toh 10.73% thakishe aro Sunday din te 13.98% thakishe, tai para koishe. Tui(2) din pithor te sob melaikena 8,614 cases thura te, Aizwal district te sobse besi notun 1,073 cases paishe, etu beche Lunglei te 144 cases aro Siaha te 121 cases thurishe, tai para aro janaishe. 8,614 bemar manu pithor te, komti hoilebi 918 manu logot Covid-19 symptoms thakishe, koikena officials para janaishe. Mizoram te sob melaikena Covid-19 cases toh 70,840 ase aro etu te 12,016 active ase. Bemar para 58,543 manu neshina bhal hoishe aro Sunday 5 pm samai dak te 368 jun bemar bhal hoishe, koikena government laga khobor hesab te janaishe. Mizoram te itya dak te Covid-19 para 1,000 thousand population te komti hoilebi 63 manu bemari ase. Sob melaikena 1 lakh population hesab te 21 manu itya dak te morikena ase, khobor para janaishe. Mizoram te itya dak te 9.63 lakh sample tests korikena ase. State immunisation officer Dr. Lalzawmi laga khobor hesab te Saturday din dak te 6.63 lakh neshina manu vaccine loikena ase aro etu pithor te 2.98 lakh manu vaccine pura loikena ase koishe.