AIZAWL: Ruling Mizo National Front (MNF) para K. Laldawngliana ke ahi thaka by-poll Tuirial assembly seat nemite nam junishe, hoilebi olop din thaka beche junai thiboli ase, koikena party leader para koishe. MNF adviser & rural development minister Lalruatkima para koishe ke, Tuesday din te chief minister aro MNF president Zoramthanga para MNF nomination committee meeting samai chaired korikena Mizoram State Cooperative Marketing & Consumers Federation (MIZOFED) Ltd laga chairman Laldawngliana ke by-poll party nominee junishe. Etu samai Congress laga tangor khobor ekta te janaishe ke, party para former legislator aro party leader C Chalrosanga ke ahi thaka by-poll nemite nam filed korishe aro party candidate laga toh besi joldi officially junai thibo koishe. Main opposition Zoram People’s Movement (ZPM) khan para candidate nam toh aro junai thiboli ase. Party sources para koishe ke, party nomination committee toh Friday din te by-poll candidate nam fesla koriboli ase. Tuirial constituency te by-poll loboli ola tooh August 17 darik te MLA Andrew H Thangliana mori kowa nemite ase. Itya laga 40-member assembly te, ruling MNF 27 members ase, ZPM (6), Congress (5) aro BJP toh 1 ase koishe. Hoilebi, 5 ZPM legislator toh November 2018 saal te state assembly nemite independent te contested korikena ase aro etu samai tai khan para poll akhe te registration nakorikena ase koishe.
Tuirial by-poll te MNF para K Laldawnglian ke candidate nam junaishe
