GUWAHATI: Friday din Assam chief minister Himanta Biswa Sarma para Assam Legislative Assembly laga MLA Hostel campus pithor te notun Bidhan Sabha Swastha Sewa Kendra (Assembly Health Care Centre) toh inaugurated korishe. Assam chief minister nemite health card toh Assembly Speaker, Biswajit Daimary laga hath para officially paishe. Assembly Health Care Centre para alag-alag facilities neshina pharmacy, laboratory, physiotherapy clinic thiboli janaishe. Hospital te Doctor, nurse aro pharmacists hotai samai thakibo koishe. Etu oper te Gauhati Medical College laga specialist doctor khan para hafta te 5 din ahikena motob koribo koishe. Centre para Digital health cards toh former MLAs aro tai laga ghor manuh ke aro Assembly Secretariat laga officials khan logot elaj samai thiboli koishe. Etu occasion te kotha kora samai chief minister Sarma para koishe ke, MLAs khan para public logot service thiboli nemite halat toh hotai bhal thakiboli lage. Assam Legislative Assembly Speaker, Biswajit Daimary logot tai para etu kam kora nemite dunyabad thishe aro minister Sarma para koishe ke next Assembly session toh notun Assembly House te loboli janaishe. Tai para koishe ke, government para etu kam nemite puila para funds thikena ase. Assam Assembly Speaker Biswajit Daimary para programme samai welcome address thishe aro health minister Keshab Mahanta para kotha koishe. Assam Assemly Deputy Speaker, Dr. Numal Momin, , parliamentary affairs minister Pijush Hazarika, leader of the Opposition of ALA Debabrata Saikia aro dosura ministers aro MLAs khan occasion te samil thakishe.
